Main Os Hisar Se Niklon To Aur Kuch Sochon Tumhare Pyar Se Niklon

Poet Wasi Shah

Type By
    *.___HIJAR___.*

Main Is Hisar Se Niklon To Aur Kuch Sochon,

Tumhare Pyar Se Niklon To Aur Kuch Sochon,

Teri Gali K Ilawa Bhi aur
Qury Hain,

Jo Is Diyar Se Niklon To Aur Kuch Sochon,

Tumhare HIJJAR Ki Sadian Tumhare Visal K Din,

Main Is Shumar Se Niklon To Aur Kuch Sochon,

Racha Howa Hai Tera Ishq
Meri Poron Mein,

Main Is Khumar Se Niklon To Aur Kuch Sochon,

Ye Mera Jisam K Matam Sara-E-Hasrat Hai,

Main Is Mazar Se Niklon To Aur Kuch Sochon,

Ye Mujh Main Kion Mere Rat Din Sambhalta Hai,

Is Ikhtiar Se Niklon To Aur Kuch Sochon,

Tumhare Jism Ki Khushbo Ne Kar Dia Mashoor,

Is Aabshar Se Niklon To Aur Kuch Sochon,

Ye Beqarari Meri Rooh Ka
Ujala Hai,

Main Is Qarar Se Niklon To Aur Kuch Sochon.......!

Book Aankhein Bheeg Jati Hain.

Mazeed Collection K Liye

Follow HIJJAR
Send 8002

Ajab Pagal Si Larki Hai Mujhe Har Khat

Poet Wasi Shah

Type By
    *.___HIJAR___.*

Ajab Pagal Si Larki Hai,

Mujhe Har Khat Main Likhti Hai,

Mujhe Tum Yad Karte Ho?

Tumhein Main Yad Aati Hon?

Meri Batain Satati Hain?

Meri Neendain Jagati Hain?

Meri Aankhein Rulati Hain?

December Ki Sunheri Dhoop Main Ab Bhi Tehlte Ho?

Kisi Khamosh Raste Se Koi Awaz Aati Hai?

Tehtharti Sard Raton Mein Tum Ab B Chat Pe Jate Ho?

Falak K Sab Sitaron Ko Meri Batain Sunate Ho?

Kitabon Se Tumhare Ishq Main Koi Kami Aai?

Ya Meri Yad Ki Shidat Se Aankhon Main Nami Aai,

Ajab Pagal Si Larki Hai,

Jawaban Us Ko Likhta Hon,

Meri Masroofiat Dekho Subha Se Sham Office Main,

Charagh-E-Umar Jalta Hai,

Phir Us K Baad Dunia Ki Kai Majboorian Paon Main,

Bariyan Dal Rakhti Hai Mujhe Be Fikar Chahat Se,

Bhale Sapne Nahi Dekhte,

Tehlne Jagne Rone Ki Ab Fursat Nahi Milti,

Sitaron Se Mile Arsa Howa Naraz Hon Shayad,

Kitabon Se Shelf Mera Ab B Waise Hi Qaim Hai,

Faraq Itna Para Hai Ab Unhain Arse Main Parhta Hon,

Tumhain Kis Ne Kaha Pagli Tumhain Main Yad Karta Hon,

Main Khud Ko Bhool Jane Ki Musalsal Justajoo Mein Hon,

Tumhein Na Yad Aane Ki Musalsal Justajo Mein Hon,

Magar Ye Justajo Meri Bahut Nakam Rehti Hai,

Mere Din Rat Mein Ab Bhi Tumhari Sham Rehti Hai,

Mere Lafzo Ki Har Mala Tumhare Naam Reht Hai,

Purana Geet Aksar Log Gun Gunate Hain,

Unhein Hum Yad Karte Hain,

Jinhein Hum Bhool Jate Hain,

Tumhain Dil Se Bhulaon To Tumhari Yad Aaye Na,

Tmhein Dil Se Bhulane Ki Mujhe Fursat Nahi Milti,

Aur Is Masroof Jeevan Mein,

Tumhare Khat Ka Aik Jumla,

Tumhein Main Yad Aati Hon...?

Meri Chahat Ki Shidat Mein Kami Hone Nahi Deta,

Bahut Ratain Jagata Hai Mujhe Sone Nahi Deta,

So Agli Bar Khat Mein Ye Jumla Nahi Likhna,

Ajab Pagal Si Larki Hai,

Mujhe Phir Bhi Ye Likhti Hai,

Mujhe Tum Yad Karte Ho,

Tumhein Main Yad Aati Hon.........!

Mazeed Poetry K Liye

Follow HIJJAR
Send 8002