Qateel Shifai to Insha jee

Poet Qateel Shifai

Type By
   *.___HIJAR___.*

Ye Kis Ne Kaha Tum Kooch Karo Batein Na Banao Insha Jee,

Shehr Tumhara Apna Hai,

Isay Chor Na Jao Insha Jee,

Jitne Bhi Yahan K Baasi Hain,

Sab K Sab Tum Se Pyar Karein,

Kia In Se Bhi Moonh Phero Gay,?

Ye Zulam Na Dhao Insha Jee,

Kia Soch K Tum Sainchi Thi,

Ye Kaisi Kiyari Chahat Ki,

Jin Ko Hansane Aaye Thay,

Un Na Rulao Insha Jee,

Laakh Siyahat K Ho Dhani,

Ek Bat Humari Maano,

Koi Ja K Jahan Se Aata Nahi,

Us Deis Na Jao Insha Jee,

Bikhrate Ho Sona Harfon Ka,

Tum Chandi Jaise Kaghazon Par,

Phir In Mein Apne Zakhmon Ka,

Mat Zehr Milao Insha Jee,

Rat To Kia Wo Hashar Talak Rakhe Gi Khula Darwaze Ko,

Jab Lout K Tum Ghar Aao Gay Sajni Ko Batao Insha Jee,

Nahi Sirf QATEEL Ki Bat Yahan Kahein SAHIR Hai Kahein Aali Hai,

Tum Apne Purane Yaron Daman Na Churao Insha Jee...............!