Jab Tujhe Yad Karein Kaar-E-Jahan Khainchta Hai

Poet Ahmad Faraz

Type By 

 

*.___HIJAR___.*

Jab Tujhe Yad Karein Kaar-E-Jahan Khainchta Hai

Aur Phir Ishq Wohi Koh-E-Giraan Kheinchta Hai,

Kisi Dushman Ka Koi Teer Na Pohncha Mujh Tak,

Dekhna Ab K Mera Dost Kamaan Kheinchta Hai,

Ehd-E-Fursat Mein Kisi Yar-E-Yar Guzashta Ka Khayal,

Jab Bhi Aata Hai To Jaise Rag-E-Jaan Kheichta Hai,

Dil K Tukron Ko Kahan Jorr Saka Hai Koi,

Phir Wo Awaz-E-Aaina Giraan Kheichta Hai,

Intaha Ishq Ki Koi Na Hawas Ki Koi,

Dekhna Ye Hai K Had Kon Kahan Kheinchta Hai,

Kheinchte Jate Hain Rasan Basta Ghulamo Ki Tarha,

Jis Taraf Qafla-E-Umar-E-Rawaan Kheinchta Hai,

Hum To Rahwar-E-Zaboon Hai Wo Muqadar Ka Sawar,

Khud Hi Mehmeez Kare Khud Hi Anaan Kheinchta Hai,

Rishta-E-Teigh-O-Guloo Ab Bhi Salamat Hai,

FARAZ

Ab Bhi Maqtal Ki Taraf Dil Sa Jawaan Kheinchta Hai.........!