Shab-E-Nishat Thi Ya Subh-E-Pur-Malaal Thi Wo

Poet Ahmad Faraz

Type By 

 

*.__Ayaz Khan__.*

Shab-E-Nishat Thi Ya Subh-E-Pur-Malaal Thi Wo.

Thakan Se Choor Tha Mein Neend Se Nadhaal Thi Wo.

Mein Us Ki Humsafri Mein Bhi Dil Garfta Raha.

K Har Qadam Par Judai Ka Ehtamaal Thi Wo.

Idhar Udhar K Bhi Kirdaar Aate Jate Rahe.

Mere Sukhan Ka Magar Markazi Khayaal Thi Wo.

Wo Pairahan Thi Magar Jisam-O-Jaan Rahi Meri.

K Jo Bhi Jaisa Bhi Musam Tha Hasb-E-Haal Thi Wo.

Tamam Umer Agar Zindagi Ne Zakham Diye.

Tamam Umer K Zakhmo Ka Andmaal Thi Wo.

Ye Umer Bhar Ka Asasa Usi K Naam To Hai.

Agar Chay Meri Rafaqat Mein Chand Saal Thi Wo.

FARAZ Yaad Hai Ab Tak Supardagi Us Ki.

Ze Farq Ta Ba-Qadam-E-Khawish-E-Wasaal Thi Wo............!

Book:

Khawab e Gul Parishaan Hai