RedRose
Sab Maya Hai , Sab dhalti phirti chaya hai
Iss ishq mein hum nay jo khooya , Jo paya hai
Jo tum nay kaha hai, Faiz nay jo farmaya hai
Sab Maya Hai.....
Haan gahay gaahay deed ke doulat haath aye
Ya aik woh lazat naam hai jiss ka ruswaee
Buss uss kay siwa to jo bhi sawab kamaya hai
Sab Maya Hai.....
Ik naam to baqi rehta hai, Gar jaan nahi
Jab daikh liya iss sooday mein nuqsaan nahi
Tab shama pay dainay jaan patanga aaya hai
Sab Maya Hai.....
Maloom hamain sab qais miyaan ka qissa bhi
Sab aik say hain, Yeh ranjha bhi, Yeh insha bhi
Farhad bhi jo ik nahar se khood kay laya hai
Sab Maya Hai.....
Kyun dard kay naamay likhtay likhtay raat karoo
Jis saat samandar par ke naar ke baat karoo
Uss naar say koi aik nay dhoka khaya hai ?
Sab Maya Hai.....
Jis goori pay hum aik ghazal har shaam likhain
Tum jantay hoo – Hum kiyonkar uss ka naam likhain
Dil uss ke chookhat choum kay wapis aaya hai
Sab Maya Hai.....
Woh larki bhi jo chaand nagar ki raani thi
Woh jiss ke alhaar ankhoon mein hayraani thi
Aa uss nay bhi pay’ghaam yeehi bhijwaya hai
Sab Maya Hai.....
Jo loug abhi tuk naam wafa ka laytay hain
Woh jaan kay dhokhay khatay, dhokay daitay hain
Haan thhok baja kay hum nay hukam lagaya hai
Sab Maya Hai.....
Jab daikh liya har shakhs yahaan harjayee hai
Iss shehar say door – Ik kuttiya hum nay banaye hai
Aur uss kuttiyaa kay maathay pay likhwaya hai
Sab Maya Hai.....
No comments:
Post a Comment