Wafa Tujh Se Aye Bewafa Chahta Hon Meri Sadgi Dekh KIA Chahta Hon

Poet Hasrat Mohani

Type By
        *_FAROOQI.54_*

Wafa Tujh Se Ay Be Wafa Chahta Hon,

Meri Sadgi Dekh Kia Chahta Hon,

Teri Aarzoo Hai Agar Juram Koi,

To Is Juram Ki Main Saza Chahta Hoon,

Wo Mujh Ko Bura Jante Hain To Janein,

Main Is Par Bhi Un Ka Bhala Chahta Hoon,

Tujhe Kheel-E-Khobaan Se Ay Jaan-E-Khoobi,

Juda Janta Manta Chahta Hoon,

Main Beemar-E-Gham Hoon Madawa-E-Gham Ko,

Tere Dar Ki Khak-E-Shafa Chahta Hoon,

Naseehat Garoon Ki Malaamat Se Be Gham,

Main Is Shokh Ko Barmla Chahta Hoon,

Usay Be Bataye Wo Khud Jante Hain,

Jo Main Apne Haq Mein Dua Chahta Hoon,

Tere Zullf-O-Rukh K Tasvur Ki Na'amat,

Shab-O-Roz Subha-O-Masa Chahta Hoon,

Main Is Tarah Zullf-E-Mashkeen Ko HASRAT,

Piye Ghaarat-E-Jaan Dota Chahta Hoon.................*
.
Kuliat-E-Hasrat

Page 318