Ye Kia K Sab Se BaYaan Dil Ki Halatein Karni

Poet Ahmad Faraz

Type By

*.___HIJAR___.*

Ye Kia K Sab Se BaYaan Dil Ki Halatein Karni,

FARAZ Tujh Ko Na Aain Mohabbatein Karni,

Ye Qurb Kia Hai Too Samne Hai Aur Humain,

Shumar Abhi Se Judai Ki Sa'atein Karni,

Koi Khuda Ho K Pathar Jise Bhi Hum Chahein,

Tamam Umar Usi Ki Ibadatein Karni,

Sab Apne Apne Qareene Se Muntazir Us K,

Kisi Ko Shukar Kisi Ko Shikayatein Karni,

Hum Apne Dil Se Hain Majboor Aur Logon Ko,

Zara Si Bat Pe Barba Qayamatein Karni,

Milein Jab Un Se To Mabham Si Guftagoo Karna,

Phir Apne Ap Se So So Wazahatein Karni,

Ye Log Kaise Magar Dushmani Nibhate Hain,

Humain To Raas Na Aain Mohabbatein Karni,

Kabhi FARAZ Naye Mosamon Mein Ro Dena,

Kabhi Talash Purani Rafaqatein Karni.................!